நெல்லை மாவட்டத்தில் குறைந்து வந்த கொரோனா தொற்று தற்போது மீண்டும் அதிகரிக்க தொடங்கி உள்ளது.

இதைத்தொடர்ந்து மாவட்ட நிர்வாகம் மற்றும் சுகாதாரத்துறை சார்பாக தடுப்பு நடவடிக்கைகள் தீவிரப்படுத்தப்பட்டு உள்ளது.

நெல்லை அரசு மருத்துவமனையில் இன்று 1,152 பேருக்கு மாதிரிகள் எடுக்கப்பட்டது. இதில் தூத்துக்குடி, தென்காசி, நாங்குநேரியில் தலா 2 பேருக்கும், மாநகராட்சி பகுதி, பாப்பாக்குடி, பாளை ஆகிய பகுதிகளில் தலா ஒருவருக்கும் என 9 பேருக்கு தொற்று உறுதியானது.

இதில் நாங்குநேரியில் ஒரே குடும்பத்தை சேர்ந்த 2 பேருக்கும், ராமையன்பட்டி பகுதியில் 4 வயது சிறுமி, தூத்துக்குடியில் 8 வயது சிறுவன் ஆகியோரும் அடங்குவர். இதைத் தொடர்ந்து பாதிக்கப்பட்ட அனைவரும் நெல்லை அரசு மருத்துவமனையில் சேர்க்கப்பட்டு உள்ளனர்.

நேற்று பாளையில் ஒரே குடும்பத்தில் 4 பேர் பாதிக்கப்பட்ட நிலையில் இன்று நாங்குநேரியில் ஒரே குடும்பத்தை சேர்ந்த 2 பேருக்கு பாதிக்கப்பட்டுள்ளனர்.