சிதம்பரம் அண்ணாமலை பல்கலைக்கழக ராஜா முத்தையா மருத்துவக்கல்லூரியில் நடப்பாண்டு முதல் குறைக்கப்பட்ட கல்வி கட்டணத்தை பெற வலியுறுத்தி கடந்த 21 நாட்களாக மாணவ-மாணவிகள் அறவழிபோராட்டத்தில் ஈடுபட்டு வருகின்றனர். அந்த வகையில் 22-வது நாளாக நேற்று நடைபெற்ற போராட்டத்தில் மாணவர்கள் கருப்பு பலூன்களை பறக்கவிட்டு, தங்களது கோரிக்கையை வலியுறுத்தி கோஷம் எழுப்பினர்.