மலையாளத்தில் சாஷி இயக்கத்தில் பிருத்விராஜ், பிஜுமேனன் நடிப்பில் கடந்தாண்டு வெளியாகி வெற்றிபெற்ற படம் ‘அய்யப்பனும் கோஷியும்’.
அபிஷேக் பச்சன்
கடவுளால் ஆசிர்வதிக்கப்பட்ட தேசம் என்று கூறப்படும் கேரள மண்ணில் தயாரான சில படங்கள் உலகம் முழுவதும் கவனத்தை ஈர்க்கும். அந்த வகையில், மலையாளத்தில் கடந்தாண்டு வெளியாகி வெற்றிபெற்ற படம் தான் ‘அய்யப்பனும் கோஷியும்’. சாஷி இயக்கிய இந்தப் படத்தில் அய்யப்பனாக பிஜூமேனனும், கோஷியாக பிருத்விராஜும் நடித்திருந்தனர்.
இரண்டு அதிகாரிகளின் இடையில் ஏற்படும் ஈகோ மோதலை யதார்த்தமாக எடுத்துக் காட்டியது இந்தத் திரைப்படம். இதனால் இந்தப் படத்திற்கு ரசிகர்களிடம் மிகப்பெரிய வரவேற்பு கிடைத்தது.
இப்படம் தமிழ், தெலுங்கு, இந்தி போன்ற மொழிகளில் ரீமேக் செய்யப்பட உள்ளது. இதன் தமிழ் ரீமேக்கில் நடிக்கப்போகிறவர்கள் விவரம் இன்னும் வெளியிடப்படவில்லை. தெலுங்கு ரீமேக்கில் பவன் கல்யாணும், ராணாவும் நடிக்கின்றனர்.
![பிருத்விராஜ், பிஜுமேனன் பிருத்விராஜ், பிஜுமேனன்](https://kallakurichi.news/wp-content/uploads/2022/08/202103221604285507_1_202004031030040293_Tamil_News_ayyappanum-koshiyum-telugu-remake_SECVPF._L_styvpf.jpg)
இந்நிலையில், இதன் இந்தி ரீமேக்கில் நடிக்கப்போவது யார் என்பது குறித்த அறிவிப்பு வெளியாகி உள்ளது. அதன்படி ஜான் ஆபிரகாமும், அபிஷேக் பச்சனும் நடிக்க உள்ளதாக தெரிவிக்கப்பட்டுள்ளது. மிஷன் மங்கல் படத்தை இயக்கிய ஜெகன் சக்தி இப்படத்தை இயக்க உள்ளார். ஜூலை மாதம் இதன் படப்பிடிப்பு தொடங்க உள்ளது.