நோக்கியா 3.2 ஸ்மார்ட்போனிற்கு இந்தியாவில் ஆண்ட்ராய்டு 11 அப்டேட் வழங்கப்பட்டு வருகிறது. இந்தியாவில் 2019 ஆண்டு நோக்கியா 3.2 ஸ்மார்ட்போன் ஆண்ட்ராய்டு 9 பை இயங்குதளத்துடன் அறிமுகம் செய்யப்பட்டது. பின் இந்த ஸ்மார்ட்போனிற்கு கடந்த ஆண்டு ஆண்ட்ராய்டு 10 அப்டேட் வழங்கப்பட்டது.

மார்ச் 28 ஆம் தேதிக்குள் அனைத்து நோக்கியா 3.2 ஸ்மார்ட்போன்களுக்கும் ஆண்ட்ராய்டு 11 அப்டேட் வழங்கப்பட்டு விடும். புது அப்டேட் பற்றிய விவரங்கள் நோக்கியா போன்ஸ் கம்யூனிட்டி போரமில் பதிவிடப்பட்டு இருககிறது. நோக்கியா 3.2 மாடலுக்கு ஆண்ட்ராய்டு 11 அப்டேட் பெறும் 34 நாடுகள் பட்டியலை ஹெச்எம்டி குளோபல் வெளியிட்டு உள்ளது.

நோக்கியா 3.2 ஸ்மார்ட்போன் 6.26 இன்ச் ஹெச்டி பிளஸ் டிஸ்ப்ளே, ஸ்னாப்டிராகன் 429 பிராசஸர், 3 ஜிபி ரேம், 32 ஜிபி மெமரி, 13 எம்பி பிரைமரி கேமரா, 5 எம்பி செல்பி கேமரா கொண்டுள்ளது.