தங்கம் விலையில் ஏற்றத்தாழ்வு நிலவி வருகிறது. சில நாட்களுக்கு முன்பு தங்கம் விலை தொடர்ந்து குறைந்து பவுன் ரூ. 34 ஆயிரத்துக்கு கீழ் வந்தது.

அதன்பின் கடந்த 11-ந் தேதி பவுன் ரூ. 34 ஆயிரத்தை தொட்டது. மறுநாள் விலை குறைந்து பின்னர் ஏற்றத்தாழ்வு இருந்தது.

நேற்று பவுனுக்கு ரூ. 80 உயர்ந்து ரூ. 33 ஆயிரத்து 896-க்கு விற்றது. இந்த நிலையில் இன்று மீண்டும் தங்கம் பவுன் ரூ. 34 ஆயிரத்தை தாண்டியது.

சென்னையில் இன்று காலை தங்கத்தின் விலையில் பவுனுக்கு ரூ. 168 அதிகரித்து ரூ. 34 ஆயிரத்து 64-க்கு விற்றது. கிராமுக்கு ரூ. 21 உயர்ந்து ரூ. 4 ஆயிரத்து 258 ஆக உள்ளது.

வெள்ளி கிலோவுக்கு ரூ. 900 அதிகரித்து ரூ. 72 ஆயிரத்து 500 ஆக உள்ளது. ஒரு கிராம் வெள்ளி ரூ. 72.50-க்கு விற்கிறது.