மயிலாடுதுறையில் குளத்தில் மூழ்கி மகன் இறந்த அதிர்ச்சியில் தந்தை தூக்குப்போட்டு தற்கொலை செய்துகொண்ட சம்பவம் அப்பகுதியில் பெரும் சோகத்தை ஏற்படுத்தி உள்ளது.
இதில் இளையமகன் சாம்சன் (10) 5-ம் வகுப்பு படித்து வந்தான். நேற்று அங்கு உள்ள குளத்தில் தூண்டில் போட்டு மீன்பிடிக்க தனது நண்பர்களுடன் சென்றுள்ளார். பின்னர் நண்பர்களுடன் குளித்து கொண்டிருந்தார். அப்போது திடீரென நீரில் மூழ்கி சேற்றில் சிக்கினார். அதில் இருந்து வெளியில் வர முடியவில்லை. சாம்சனை காணாதது கண்டு அவரது நண்பர்கள் திடுக்கிட்டனர். அவனுடைய நண்பர்கள் தேடிப்பார்த்தும் கிடைக்காததால் அவரவர் வீடுகளுக்கு சென்றுள்ளனர்.
தகவல் அறிந்த அவனுடைய தாய் அலறி அடித்து அழுதுகொண்டு குளத்துக்கு சென்றார். இதற்கிடையே ஊர் மக்கள் திரண்டு குளத்தில் இறங்கி தேடி பார்த்தனர். மேலும் தீயணைப்பு படையினருக்கு தகவல் கொடுத்தனர். அதன்பேரில் சம்பவ இடத்துக்கு வந்த தீயணைப்புத் துறையினர் 2 மணி நேரம் தேடுதலுக்கு பின்னர் பிணமாக சாம்சனை மீட்டனர். அவர் சேற்றில் சிக்கியதால் மூச்சு திணறி இறந்தது தெரியவந்தது.
தனது மகன் இறந்த தகவல் தகவலை தந்தை வினோத்குமாருக்கு தெரிவிக்கப்பட்டது. இதை கேட்டு அவர் அதிர்ச்சியடைந்தார். உடனடியாக வீட்டுக்கு வந்த அவர் மனவேதனையில் தூக்குப்போட்டு தற்கொலை செய்து கொண்டார். இச்சம்பவத்தை அறிந்த மயிலாடுதுறை போலீசார் தந்தை, மகன் இருவரின் உடல்களை மீட்டு பிரேத பரிசோதனைக்காக அரசு மருத்துவமனைக்கு கொண்டு சென்றனர். இது குறித்த புகாரின் பேரில் வழக்குப்பதிவு செய்து விசாரணை நடத்தி வருகின்றனர்.
இச்சம்பவம் அப்பகுதியில் பெரும் சோகத்தை ஏற்படுத்தி உள்ளது.
