மருத்துவம்பொது மருத்துவம்

லுகேமியா எனும் இரத்த புற்றுநோய் அறிகுறிகள் ..

லுகேமியா அல்லது இரத்த அணுக்களின் புற்றுநோய் என்பது உடல் முழுவதும் சில நுட்பமான மற்றும் அதிர்ச்சியான அறிகுறிகளை ஏற்படுத்தும். இதற்கான சில அறிகுறிகளை இப்போது பார்ப்போம்.
பின்வரும் அறிகுறிகள் லுகேமியாவால் ஏற்படும் நுட்பமான அறிகுறிகளாகும். பொதுவாக இந்த அறிகுறிகள் பல நோய்கள் மற்றும் நிலைகளால் ஏற்படலாம். எனவே இந்த அறிகுறிகள் வந்தால் இரத்த புற்றுநோய் இருக்கும் என பயப்பட வேண்டாம். இருந்தாலும் இது குறித்து எச்சரிக்கையாக இருப்பது நல்லது.

​லுகேமியா என்றால் என்ன?

லுகேமியா என்பது இரத்தம் மற்றும் எலும்பு மஜ்ஜையில் ஏற்படும் புற்றுநோயாகும். இது வீரியம் காரணமாக சில இரத்த அணுக்களில் ஏற்படும் அசாதரண உற்பத்தியின் காரணமாக ஏற்படுகிறது. இதனால் இரத்தம் மற்றும் நோயெதிர்ப்பு மண்டலத்தின் செயல்ப்பாட்டில் தடுமாற்றம் ஏற்படுகிறது. இதனால் உடல் செயல்பாடுகளிலும் இடையூறு ஏற்படும்.

2019 ஆம் ஆண்டு 61780 பேர் இரத்த புற்றுநோயால் பாதிக்கப்பட்டிருந்ததை மருத்துவர்கள் கண்டறிந்தனர். இதில் சுமார் 22840 பேர் இறந்துவிடுவார்கள் என தேசிய புற்றுநோய் நிறுவனம் தெரிவித்துள்ளது. உங்களுக்கு கடுமையான லுகேமியா இருந்தால் உங்களது நோய் விரைவில் மோசமடைய கூடும். அல்லது மெதுவாக அதிகமாகி நாள்ப்பட்ட லுகேமியா நோயாக மாறி காலப்போக்கில் மோசமடையும்.

​சோர்வு மற்றும் பலவீனம்

சோர்வு மற்றும் பலவீனம் இரண்டும் லுகேமியா வருவதற்கான பொதுவான அறிகுறிகளாகும் என்று சிட்னி கிம்மல் புற்றுநோய் மையத்தின் ஹீமோடோலோஜிக் குறைபாடுகள் மற்றும் எலும்பு மஜ்ஜை மாற்று திட்டத்தின் திட்ட தலைவரான மார்க் ஜேம்ஸ் லெவிஸ் கூறுகிறார்.

இந்த அறிகுறிகள் பெரும்பாலும் இரத்த சோகையாலே ஏற்படுகின்றன. இதற்கு இரத்த சிவப்பணுவில் ஏற்படும் குறைப்பாடானது முக்கிய காரணமாக இருக்கலாம். இது உடல் சோர்வுக்கு வழி வகுக்கிறது. நாள்பட்ட் மற்றும் கடுமையான நாட்களில் இந்த சோர்வு மற்றும் உடல் பலவீனம் அதிகமாக இருக்கலாம்.

ஆனால் காலப்போக்கில் இந்த அறிகுறிகள் மோசமடைகின்றன. என்று டாக்டர் லெவிஸ் கூறுகிறார். எப்போதாவது ஏற்படும் உடல் சோர்வு லுகேமியா அறிகுறியாக இருக்காது. ஆனால் எப்போதும் உடல் சோர்வு ஏற்படும் நிலையில் மருத்துவரை அணுகுவது நல்லது.

​மூச்சு திணறல்

சில வகையில் உள்ள லுகேமியா உங்கள் இரத்த சிவப்பணுக்களின் உற்பத்தியை பாதிக்கிறது. இந்த செல்கள் உடலில் உள்ள அனைத்து உயிரணுக்களுக்கும் ஆக்ஸிஜன் கொண்டு செல்லும் வேலையை செய்கின்றன. எனவே இரத்த சிவப்பணுக்களில் பற்றாக்குறை ஏற்படும்போது உங்களுக்கு மூச்சு திணறல் ஏற்படலாம்.

மூச்சுத்திணறலானது நுரையீரல் புற்றுநோய்க்கான அறிகுறியாகவும் பார்க்கப்படுகிறது. ஆனால் லுகேமியா உள்ள நோயாளிகள் மிகவும் களைப்பாக உணர்கின்றனர். அதே சமயம் அரிதான சந்தர்ப்பங்களில் அவர்கள் மூச்சு திணறலுக்கும் உள்ளாகின்றனர். ஆனால் மூச்சு திணறல் ஏற்படுவதற்கு பல காரணங்கள் உண்டு. என டாக்டர் லெவிஸ் கூறுகிறார். சிலருக்கு அறையில் நடப்பது கூட மூச்சுதிணறல் காரணமாக கடினமாக இருக்கும் என கூறப்படுகிறது.

​அதிகப்படியான அல்லது தனிச்சையான சிராய்ப்பு

உடலில் எந்த பாதிப்பும் ஏற்படாமல் விவரிக்கப்படாத காயங்கள் ஏற்படுவது லுகேமியாவின் அறிகுறிகளாக உள்ளது. அசாதரணமாக ஏற்படும் காயம் என்பது குறைந்த ப்ளேட்லெட் அல்லது பிற இரத்த உறைதலில் சிக்கல்களை ஏற்படுத்தும்.

இந்த காயங்கள் எங்கு வேண்டுமானாலும் ஏற்படலாம். ஆனால் பொதுவாக இவை கைகள் மற்றும் கால்களிலேயே ஏற்படுகின்றன.

அசாதரண ரத்த போக்கு

ஈறுகள், குடல், நுரையீரல் அல்லது தலையில் சிராய்ப்பு, அசாதரண ரத்த போக்கு என்பவை ப்ளேட்லெட்டில் ஏற்படும் குறைப்பாடு மற்றும் இரத்த உறைதலில் உள்ள பிரச்சனைகளை குறிக்கும் அறிகுறிகளாகும். இது லுகேமியாவின் கடுமையான அறிகுறிகளாகும் என்றும் டாக்டர் க்ரில்லி கூறுகிறார்.

​பெட்டீசியா

தோலில் தோன்றும் சிவப்பு புள்ளிகளால் இரத்த போக்கு ஏற்படும். இது லுகேமியாவின் அறி

குறியாக இருக்கலாம். அவை சிறிய புள்ளிகளாகவும் வலிமையற்றவையாக இருப்பதாலும் அவற்றை நீங்கள் கவனிக்காமல் இருக்கலாம். இந்த புள்ளிகள் இரத்தத்தில் குறைந்த பிளேட்லேட் அளவை குறிக்கிறது. பொதுவாக பெட்டீசியா கணுக்காலை சுற்றி காணப்படுகிறது. ஏனெனில் ஈர்ப்பு காரணமாக உடல் திரவங்கள் நாள் முழுவதும் காலில் தங்கி விடும்.

ஆனால் ஒரு மருந்துக்கான எதிர்வினை அல்லது தொற்றுநோயால் கூட பெட்டீசிய ஏற்படலாம் என மருத்துவர் கூறுகிறார். எனவே பெட்டீசியா ஏற்பட்ட உடன் கலவரமடைய வேண்டாம். எதையும் மருத்துவரிடம் சென்று உறுதிப்படுத்திக்கொள்வது நல்லது.

​வீக்கம் மற்றும் விரிவாக்கப்பட்ட ஈறுகள்

ஈறுகளின் அளவு அதிகரித்தல் என்பது ஹைபர் பிளாசியா என அழைக்கப்படுகிறது. பொதுவாக கடுமையான லுகேமியா கொண்ட குறைந்த எண்ணிக்கையிலான மக்களிடம் மட்டுமே இந்த அறிகுறிகள் காணப்படுகின்றன. இது மிகவும் வெளிப்படையான லுகேமியாவுக்கான அறிகுறிகளில் ஒன்றாகும்.

பொதுவாக மருத்துவர்கள் லூகேமியா நோயாளிகளை பரிசோதிக்கும் போது அவர்களது ஈறுகள் பெரிதாகிவிட்டதா என்பதை சோதனை செய்கின்றனர் என்று டாக்டர் கிரில்லி கூறுகிறார். எனவே உங்கள் வாயில் ஒரு விசித்திரமான இறுக்கத்தை நீங்கள் உணரும் பட்சத்தில் ஒரு மருத்துவரை அணுகுவது நல்லது.

​வீங்கியதாக மற்றும் திருப்தியாக உணர்தல்

மண்ணீரலில் ஏற்படும் விரிவாக்கமானது லுகேமியாவின் முக்கியமான அறிகுறிகளில் ஒன்றாகும். இது உங்களுக்கு பசியின்மையை ஏற்படுத்தும். (உங்கள் மண்ணீரல் வயிற்றின் இடது பக்கம் மற்றும் விலா எலும்புகளின் கீழ் அமைந்துள்ளது.)

இந்த உறுப்புகள் உங்கள் உடலுக்குள் ஏற்படும் சில வகையான தொற்றுநோய்களை எதிர்த்து போராட உதவுகிறது. மேலும் இது இரத்தத்தை வடிக்கட்ட உதவுகிறது. விரிவாக்கப்பட்ட மண்ணீரலானது உடலில் பசியின்மையை ஏற்படுத்தும். இது உங்களை திருப்தியாக உணர வைக்கும். எனவே இதனால் நோயாளிகள் குறைந்த அளவிலேயே உண்கிறார்கள்.

​மேல் இடது அடிவயிற்றில் அசெளகரியம் அல்லது வலி ஏற்படுதல்

லுகேமியாவால் ஏற்படும் விரிவாக்கப்பட்ட மண்ணீரல் சில நேரங்களில் வயிற்றில் அசெளகரியம் அல்லது கூர்மையான வலியை ஏற்படுத்தும். டாக்டர் லெவிஸ் தன்னிடம் ஒரு நாள்ப்பட்ட இரத்த புற்றுநோய் நோயாளி இருந்ததாக கூறுகிறார். அவர் மண்ணீரலின் விரிவாக்கத்தால் இறந்தார்.

அவர் எப்போதும் தனது அடிவயிற்றில் ஒரு கூர்மையான வலி ஏற்படுவதாக கூறுவார். மண்ணீரலானது வயிற்றின் மேல் இடது புறத்தில் அமைந்திருப்பதால் பொதுவாக அந்த இடத்தில் தான் அசெளகரியம் ஏற்படுகிறது. ஆனால் இடது அடிவயிற்றில் வலியை உணர்ந்தால் அதற்கு வேறு காரணங்களும் இருக்கலாம். எனவே மருத்துவரை அணுகுவதே உங்களுக்கு நன்மை பயக்கும்.

​காய்ச்சல் அல்லது குளிராக உணர்தல்

கடுமையான லுகேமியா ஏற்படும்போது அதன் கால் பகுதியில் காய்ச்சல் அல்லது குளிர் ஏற்படுகிறது. ஆனால் நீண்டக்கால லுகேமியா உள்ளவர்களுக்கு இந்த நிகழ்வுகள் ஒரு போதும் ஏற்படுவதில்லை என டாக்டர் லெவிஸ் கூறுகிறார். இரத்தப் புற்றுநோயால் பாதிக்கப்பட்ட ஒருவருக்கு 1 முதல் 2 வாரங்களுக்கு மேல் நீடித்த காய்ச்சல் ஏற்படலாம்.

​இரவில் அதிக வியர்வை

இரவு வியர்த்தல் என்பது பொதுவாக லுகேமியா நோயாளிகளுக்கு இருக்கும் அறிகுறியாக உள்ளது. அது மிகவும் மோசமான வியர்வையாக இருக்கும். இதனால் நோயாளிகள் தண்ணீரில் நனைந்தது போன்ற நிலையை அடைவர் என டாக்டர் க்ரில்லி கூறுகிறார். இருந்தாலும் இரவில் வியர்வை ஏற்படுவதற்கு புற்றுநோயோடு தொடர்பு இல்லாத பல காரணங்களும் உள்ளன.

​மோசமான தலைவலி

உடலில் உள்ள அனைத்து உயிரணுக்களுக்கும் இரத்த சிவப்பு அணுக்களே ஆக்ஸிஜனை வழங்குகின்றன. இந்த அணுக்களில் பற்றாக்குறை ஏற்படும்போது இதனால் தலைவலி போன்ற பல அறிகுறிகள் ஏற்படுகின்றன என்று அமெரிக்க புற்றுநோய் சங்கம் கூறுகிறது. இது பொதுவான அறிகுறி இல்லை என்றாலும் அடிக்கடி ஏற்படும் தலைவலி லுகேமியா தொடர்பாக ஏற்படும் இரத்த சோகைக்கான அறிகுறியாக இருக்கலாம்.

​வெளிர்நிறம் ஏற்படுதல்

தலைவலி, சோர்வு மற்றும் மூச்சுத்திணறல் போன்ற அசாதரண வெளிறிய தன்மை கடுமையான மற்றும் சில நாள்ப்பட்ட லுகேமியா நோயாளிகளுக்கு இரத்த சோகையின் காரணமாக ஏற்படும் அறிகுறிகளாக இருக்கலாம். “அவர்கள் மிகவும் வெளிறிய நிறத்தில் இருந்தால் அவர்கள் லுகேமியாவின் பாதிப்பை அதிகமாக கண்டுள்ளனர் என பொருள். மேலும் அவர்கள் உடல் நிலை சரியில்லாமல் இருக்கிறார்கள்”

அவர்கள் எப்போதும் சோர்வாக உணர்கிறார்கள். உங்கள் இரத்த சிவப்பணு அளவு வெளிர் நிறமாக இருக்கும் அளவிற்கு குறைவாக இருந்தால் உங்களுக்கு அதிகமான திணறல் ஏற்படும்.

ஆனால் உங்கள் சருமம் கருமையாக இருக்கும் பட்சத்தில் அதை கண்டறிவது கடினமாக இருக்கும். ஆனால் இதன் பாதிப்பு கண் இமைகள் மற்றும் உட்புற புறணியில் ஏற்படலாம். இந்த வெளிர் நிறம் என்பது வைட்டமின் பி 12ன் குறைப்பாடாகவும் இருக்கலாம்.

​எலும்பு வலி

ஒப்பீட்டளவில் அசாதரணமான அறிகுறி என்றாலும் எலும்புகளில் உள்ள வலி என்பது நாள்பட்ட மற்றும் கடுமையான லுகேமியாவின் அறிகுறிகள் ஆகும் என்று டாக்டர் லெவிஸ் கூறுகிறார். எனவே உங்கள் எலும்புகளில் தொடர்ச்சியான லேசான வலி முதல் தீவிர வலி வரை எதை உணர்ந்தாலும் உங்கள் மருத்துவரை அணுகுவது நல்லது.

​வீங்கிய நிணநீர்

நிணநீர் பரிசோதனை என்பது நீங்கள் தவறாமல் செய்ய வேண்டிய பரிசோதனைகளில் ஒன்றாகும். உங்கள் நிணநீர் பகுதிகளில் குறிப்பிடத்தக்க வலியற்ற வீக்கம் ஏற்படும். இதை பரிசோதிக்க உங்கள் கழுத்து, அக்குள் மற்றும் இடுப்பு பகுதியை பரிசோதிக்கலாம். நோய்த்தொற்று அல்லது அழற்சி காலங்களில் நிணநீர் கணுக்கள் மேலே செல்வது மற்றும் கீழ்நோக்கி செல்வது இயல்பானது.

ஆனால் அவை பெரிதாக இருந்தாலோ அல்லது வளர்ந்துக்கொண்டே இருந்தாலோ அது லுகேமியா அல்லது லிம்போமாவின் அறிகுறிகளில் ஒன்றாக இருக்கலாம் என டாக்டர் கிரில்லி கூறுகிறார்.

​தோலில் ஏற்படும் சொறி

ஏறக்குறைய 20 லுகேமியா நோயாளிகளில் ஒருவருக்கு தோல் வெடிப்பு இருக்கலாம். அவை இரண்டு வகைகளில் ஏற்படுகிறது. ஸ்வீட்ஸ் எனும் நோய்குறியால் ஏற்படும் சொறியானது ரத்தப் புற்று நோய்க்கான அறிகுறியாக பார்க்கப்படுகிறது. லுகேமியா சருமத்தில் ஒரு கட்டை செருகப்படுவது போல் தெரிகிறது.

மேலும் ஸ்வீட்ஸ் நோயால் ஏற்படும் தடிப்புகள், ஒவ்வாமை ஆகியவை எந்த வடிவத்தில் அளவில் வந்தாலும் லுகேமியாவால் ஏற்படும் தடிப்புகளுக்கு ஒரு பொதுவான ஒற்றுமை உண்டு. அவை தொடர்ந்து வளர்ந்து பரவுகின்றன.

​மீண்டும் ஏற்படும் நோய்த்தொற்றுகள்

லுகேமியா உள்ளவர்களிடம் ஒரி சிறிய இருந்தாலும் அது போகாது. மருத்துவர்கள் எத்தனை நுண்ணுயி எதிர்ப்புகளை பரிந்துரைத்தாலும் அது வேலை செய்யாது. உங்கள் இரத்த வெள்ளை அணு, ஹீமோக்ளோபின் மற்றும் பிளேட்லேட் அளவுகளில் உள்ள மாற்றங்களை சரிப்பார்க்க முழுமையான இரத்த எண்ணிக்கை சோதனையை செய்யலாம்.

அசாதரணமாக ஏற்படும் இரத்த வெள்ளை அணுக்களின் குறைப்பாடானது பலவீனமாக நோயெதிர்ப்பு மண்டலத்தை பலவீனமாக்குகிறது. இது அடிக்கடி நோய் தொற்று ஏற்படுவதற்கும் எப்போதும் நோய் உள்ளது போன்ற உணர்வையும் ஏற்படுத்துகிறது. சோர்வு அல்லது சிராய்ப்பு போன்ற பிற அறிகுறிகளுடன் சேர்த்து இந்த அறிகுறியும் உங்களுக்கு இருந்தால் உங்கள் மருத்துவரை அணுகுவது நல்லது.

லுகேமியா நோய் எப்போதும் உங்கள் உடலில் முதலில் பதுங்குகிறது. லுகேமியா நோயாளிகளுக்கு ஏற்படும் அறிகுறிகளானது பிற நோய்களுக்கான பொதுவான அறிகுறிகளாக இருக்கின்றன. எனவே உடல் பரிசோதனை, இரத்த பரிசோதனை மற்றும் எலும்பு மஜ்ஜையில் பயாப்ஸி ஆகியவற்றை செய்யலாம். இதன் மூலம் மருத்துவர்கள் உடலில் லுகேமியா அளவு குறித்து சரியாக அறிந்துக்கொள்ள முடியும்.

Show More

Leave a Reply

Your email address will not be published.

Related Articles