மருத்துவம்பெண்கள் மருத்துவம்

செலவே இல்லாம முகத்துல இருக்கற முடியை நீக்கணுமா?

பல பெண்களுக்கு கன்னம் மற்றும் உதட்டை சுற்றி இருக்கும் பகுதிகளில் தேவையற்ற முடி காணப்படும். இந்த தேவையற்ற முடிகளை நீக்க எளிமையான வீட்டு வைத்திய முறைகள் இங்கே கொடுக்கப்பட்டு உள்ளன.
 
பெண்களுக்கு முகத்தில் அசிங்கமாக முடி வளர்ந்து தொல்லையை உண்டாக்கும். இந்த அசிங்கமான முடியை நீக்குவதற்கு அவர்கள் எவ்வளவு முயற்சி செய்தும் பலன் என்னவோ கிடைக்காது. மற்றவர்களின் கேளிக்கைக்கும் கிண்டல்களுக்கும் அவர்கள் ஆளாக நேரிடலாம்.

அதே மாதிரி முகத்தில் இருக்கும் முடிகளை நீக்க நீங்கள் ஷேவிங் கருவியையோ அல்லது க்ரீமையோ பயன்படுத்த முடியாது. இது உங்களுக்கு முடிகளை நீக்குவதை விட முகத்தில் காயங்கள் மற்றும் பருக்களை உண்டாக்க வாய்ப்பு உள்ளது. எனவே உங்க முகத்தில் எந்தவொரு பாதிப்பையும் ஏற்படுத்தாத வகையில் சில வீட்டு வைத்திய முறைகளை நாம் பின்பற்ற வேண்டும். அதற்காகத்தான் சில டிப்ஸ்கள் இங்கே கொடுக்கப்பட்டு உள்ளன.

மஞ்சள்

மஞ்சள் தூளில் ஆன்டி பாக்டீரியல் தன்மை உள்ளது. இது உங்களுக்கு முகத்தில் இருக்கும் தேவையற்ற முடிகளை நீக்க உதவுகிறது. அது மட்டுமல்லாமல் முகத்திற்கு இது நல்ல பொலிவை கொடுக்கும். சரும காயங்களை ஆற்றவும் உதவி செய்கிறது.

மாஸ்க் போடுதல்

தண்ணீரில் மஞ்சள் தூளை பேஸ்ட் ஆக்கி முகத்தில் அப்ளே செய்யுங்கள். சில நிமிடங்கள் அப்படியே வைத்து இருங்கள். இது முகத்தில் இருக்கும் தேவையற்ற முடிகளை நீக்க உதவுகிறது. உலர்ந்த பிறகு வெதுவெதுப்பான நீரில் துணியை முக்கி துடைத்து எடுங்கள். உங்க முகத்தில் உள்ள தேவையற்ற முடி உதிர ஆரம்பிக்கும்.

​கடலை மாவு

முகத்தில் பேஸ் பேக் போட கடலை மாவு பயன்படுகிறது. கடலை மாவில் மஞ்சள் கலந்து இந்த பேஸ்பேக்கை அவர்கள் தருகின்றனர். இந்த பேஸ்பேக் குறிப்பாக வாய் மற்றும் கன்னத்தைச் சுற்றி இருக்கும் பகுதியில் இருந்து முடிகளை நீக்க உதவுகிறது. இது மென்மையான மற்றும் குறைபாடற்ற சருமத்தைப் பெறவும் உதவுகிறது.

இதற்கு கடலை மாவு மற்றும் மஞ்சள் கலந்து பேஸ்ட்டை தயாரியுங்கள். இந்த பேஸ்ட்டை முகத்தில் அப்ளே செய்து உலர விடுங்கள். உலர்ந்த பிறகு அதை நீக்க வெதுவெதுப்பான நீரில் துணியை நனைத்து ரிமூவ் செய்யுங்கள்.

​முட்டை

முட்டையின் தோல் மற்றும் அதனுள் இருக்கும் கரு தேவையற்ற முடிகளை நீக்குவதோடு உங்க முகம் மென்மையாக இருக்க உதவி செய்கிறது.

மாஸ்க் தயாரித்தல்

ஒரு முட்டையில் வெள்ளைக் கருவை எடுத்து அதில் 1/2 டேபிள் ஸ்பூன் சோள மாவு மற்றும் 1 டேபிள் ஸ்பூன் சர்க்கரை சேர்த்து கொள்ளுங்கள். இந்த பேஸ்ட்டை முகத்தில் அப்ளே செய்து வாருங்கள். இது முகத்தில் இருக்கும் தேவையற்ற முடிகளை நீக்க உதவுகிறது. உலர்ந்த பிறகு முடிகளை மெதுவாக பிடுங்கினால் கூட வரும். இது உங்களுக்கு சிறிது வலி மிகுந்ததாக இருந்தால் கூட உங்களுக்கு நல்ல பலனை தரும்.

Show More

Leave a Reply

Your email address will not be published.

Related Articles